Nanni Svampa

A gh'era in piazza Fratelli Bandiera
a gh'era on veggètt che soo no s'el gh'aveva
vottant'ann o giù de lì.
A gh'era in piazza Fratelli Bandiera
a gh'era on tocchell de giardin indove 'l podeva
anmò tirà '1 fiàa e stà giù a cicciarà.

Ma on bel dì a tutela del verde
hinn rivàa e hann streppàa sù tuss coss
quatter piant i banchétt e la gesa
indove 'l podeva anmò ciappà '1 fresch.
El veggètt poggiàa a la ringhera
quand l'ha vist l'è 'ndàa giò come on sass:
un attacco di arteriosclerosi
così han detto el dì adrée in l'ospedal.
Vers sera in piazza Fratelli Bandiera
pien de macchin gh'è on veggètt che ogni tant el dà foeura: el se mett propi in mezz
a la strada el mett giò el so vasett de gerani
ona cadrega e poeu 'l vosa quand passa on quaj ghisa: Ohej, sent che arietta che gh'emm  anca incoeu!

Vers sera el mett giò el so vasett de gerani
ona cadrega e poeu 'l vosa quand passa on quaj ghisa:
Ohej, sent che arietta che gh'emm  anca incoeu!