A l'han trovàa distes in mezz a i orti

i oeucc a ieren russ e un pu sverzàa

me piasaria savè chi l'è quel ostia

che al me gatt la panscia al g'ha sbusàa.

 L'era insci bell, insci simpatich

 negher e bianch, propri on belée

 se ciapi quel che l'ha copàa

 giuri a pesciàd ghe sceppi el dedrée.

I amis m'han di «L'è stada la Ninetta

quella con la gambetta sifulina

l'hann vista in mezz a i orti ier matina

che la lumava el gatt cont on cortel».

 L'è malmustosa, de bruta cera,

 e l'ha g'ha on nas svisser e gross

 vedella in gir fa propi péna

 e tucc i fioeu ghe dann adoss.

Incoeu a l'hoo spetada in via Savona

dopu mesdì, quand lee la turna a cà

ghe sont rivà adrée a la barbona

e su la gamba giusta giò legnàd.

 Ho sentù un crach de ossa rott

 l'è 'ndada in terra come un fagott

 le la vosava «Oi mamma mia»

 me sont stremì, sont scapa via

Stasera vu a dormì al riformatóri

in quel de Filangieri al numer du

m'han dà del teddy-boy, del brutt demoni

mi sont convint istess d'avegh resun.

to di avere ragione

 Se g'hoo de div, o brava gent

 de la Ninetta me frega niént

 l'è la giustisia che me fa tort

 Ninetta è viva, ma el gatt l'è mort